ورد الشام

ورد الشام
عزيزي الزائر
هنالك فرق في التصفح كـ زائر والتصفح كــ صديق مسجل مع أننا أتحنا كل أقسام ورد الشام لكي يستفاد بها الجميع الزائرين
كثيرة المنتديات التي يسجل بها البعض ولكن قد يهمل دخولهم وتسجيلهم
هنا في ورد الشام
جرب أن تهتم وسوف نهتم

أجتماعي ثقافي أدبي ترفيهي


كيف تتأكدين أنك مسرسبة ولك الحق في تقييم نضافة الآخرين ؟؟!

شاطر
avatar
waell
مدير الموقع
مدير الموقع

البلد : الشام
ذكر
العمر : 58
صديقة مقربة صديقة مقربة : بنت القدس
صديقة مقربة صديقة مقربة : لمووووش
صديقة صديقة : مينيرفا
إبن عم إبن عم : Dr.abdo
إبنة عم إبنة عم : ام التوت
إبنة أخ إبنة أخ : سمورة
إبنة أخت إبنة أخت : بـ الشام ـــنـت
أخت أخت : yasmin
عدد الرسائل : 29351
العمل/الهواية : بالديكورات واللوحات الشرقية
تاريخ التسجيل : 27/09/2007
مستوى النشاط : 60623
تم شكره : 59
الجوزاء

كيف تتأكدين أنك مسرسبة ولك الحق في تقييم نضافة الآخرين ؟؟!

مُساهمة من طرف waell في السبت 1 يوليو 2017 - 21:13








Waell Alsydawi

‏2‏ ساعتان · ‏جدة‏
..

#فشة_خلق

عزيزتي النضايفية كثيراً جداً .. كيف تتأكدين أنك مسرسبة ولك الحق في تقييم نضافة الآخرين ؟؟!
1 .. لما ما بتفوتي عالحمام بشحاطة البيت أو بتطلعي بشحاطة الحمام لبرة وبالأخص إذا في سجاد لازم يضل طاهر ..
2 .. لما بتخصصي ليفة وممسحة لكل غرض ليفة الصحون بس للجلي مو للأرض وللسقف وللصوفاية يلي انكب عليها عصير وللسجادة يلي انكسر عليها صحن وممسحة الطاولة للطاولة بس يلي منحط عليها خبز ومعالق الأكل .. مو مشان تمسحي استفراغ ابنك وتمسحي الغبرة ...
3 .. المساحة (القشاطة أو السلاتة) لازم يكون في تنتين بالبيت وحدة للحمام ما بتطلع لبرة ووحدة للبيت ولازم يكون في ممسحتين قماش للبيت وللمطبخ الزفر ..
4 .. لما ابنك يسحب اغراض المطبخ صحون وطناجر وطشت ويقعد بقلبن ويدعس فيهن ويحطن طاقية لازم يتليفو مو تقولي أنو نضاف وترجعيهن متل ما هنن ..
5 .. قبل ما تعجني المعمول والبيتزا قصي أضافيرك وخصوصي يلي محشى تحتن سواد ..
6 .. لما بدك تجلي مقلاية البيض بتنعمل آخر شي ومابتنحط بالمجلى بيزنخ الجلي كلو بعدين والكاسات والإبريق بينجلو أول شي مشان تضل ريحتن حلوة ولأنو بالأساس نضاف مو بعد مقلاية الزيت وطنجرة المحشي ..
7 .. لما ابنك الصغير بينفد شي بني عتيابو بتقرصيهن عالمغسلة بعدين بالغسالة مو بتحطيهن فوق أواعينا وخصوصي بالغسالة الحوضين ..
8 .. لما تسكبي الأكل لا تلوصي بأصابيعك وتلحوسيهن ولا تدحشي معلقة السكب بتمك وتكملي سكب وإذا وقع الأكل عالأرض ما بينقام وبينحط فوق الأكل النضيف بينحط للعصافير ..
9 .. النضافة لا تعني أنو تخلص قنينة اللودالين والكلور النضافة أنو تتعبي أيدك الناعمة شوي وتفركي مشان الغرض يلمع سواء بالجلي أو بمساواة الحمام شو استفقدنا إذا خلصت قنينة السائل والأكل ملزق عالطناجر ..
10 .. لا تخلي ولادك الصغار يمدو أيدهن على تحضير الأكل ولا يعطسو ولا يدعسو وخصوصي إذا صغار كتير وبعدين تعزمي العالم وتنظري عليهن وكل ما فتي على بيت صرتي تسمعي وتلطشي أنو الولد ما بيفوت عالمطبخ وحتى ما لازم ياكل بأيدو منوب ...
هدول يلي متذكرتن حاليا

اي وتذكرت الشطف مو معناتو أنو البيت يسبح بالمي الشطف أنو ما تخلي ولا زاوية مجمع فيها الوسخ
ً


-----------------------------------------
[ندعوك للتسجيل في المنتدى أو التعريف بنفسك لمعاينة هذه الصورة]




[ندعوك للتسجيل في المنتدى أو التعريف بنفسك لمعاينة هذه الصورة]

    الوقت/التاريخ الآن هو الإثنين 11 ديسمبر 2017 - 5:21